അയ്യങ്കാളി

Ayyankaali (1863-1941)

                കേരളത്തിലെ പ്രമുഖനായ ഹരിജന നേതാവ്. പുലയ മഹാ സഭയുടെ സ്ഥാപകനായ ഇദ്ദേഹം 1863 ഓഗസ്ത് 28-ന് തിരുവനന്തപുരം ജില്ലയിലെ വെങ്ങാനൂരില്‍ ജനിച്ചു. 1907-ല്‍ ഹരിജനങ്ങള്‍ക്ക് വേണ്ടി സാധുജന പരിപാലന യോഗം രൂപീകരിച്ചു. 25 വര്‍ഷക്കാലം ശ്രീ മൂലം പ്രജാ സഭയില്‍ അംഗമായിരുന്നു. തിരുവിതാംകൂറില്‍ ആദ്യത്തെ കര്‍ഷക തൊഴിലാളി പണിമുടക്കിന് നേതൃത്വം വഹിച്ചത് അയ്യങ്കാളിയായിരുന്നു. ക്ഷേത്ര പ്രവേശന വിളംബരത്തെ തുടര്‍ന്ന് 1936-ല്‍ വെങ്ങാനൂരില്‍ നടന്ന ഹരിജന മഹാ സമ്മേളനത്തില്‍ മഹാത്മാ ഗാന്ധി ഇദ്ദേഹത്തെ 'പുലയ രാജാവ്' എന്ന് വിശേഷിപ്പിച്ചു. 1941 ജൂണ് 18-ന് അന്തരിച്ചു.